(1) Hiren’s Boot CD (OR) Partition siamna dang
(2) Paragon Hard Disk Manager (OR) Boot Manager dang
(Kei chuan Hiren’s Boot CD 10.0 leh Paragon Hard Disk Manager 11 ka hmang)
A hmasa berin
windows pathum install theihna tur drive 3 i mamawh phawt a, a chhan chu
drive (partition) pakhatah windows pakhat aia tam a install theih loh
vang a ni. Windows hrang hrang install-na tur chu i hman duh dan a zirin
hisap fel sa-in partition i siam ang a, a siam dan tur chu a hnuaia mi
ang deuh hian i hman duh dan a zirin i siam ang.
Windows install-na turin a tlem berah hetiang hi a mamawh
(1) Windows XP : 15 GB
(2) Windows 7 : 25 GB
(3) Windows 8 : 20 GB
A chunga a
mamawh kan tarlanah hian PageMaker, Microsoft Word, Photoshop leh Media
Player etc. vel chu a install theih vek a. Tikhachuan i hman duhdan a
zirin i hman rim ber tur kha i duh chuan siam lian bik mai dawn nia.
Hiren’s Boot CD hmangin
partition chu i siam ang a, an zinga pakhat i hman duh ber tur chu
Active Partition-in i dah ang; a dang pahnih chu Primary ve vein i dah
bawk ang. Tichuan, an mahni drive ṭheuhah windows chu fimkhur takin i
load ṭheuh ang.
Dual Boot Windows:
Dual boot siam
hi chu a har lo a; a chunga install-na tur partition siam fel hnu chuan
Operation System (OS) hlui zawk kha install hmasak a, a thar zawk chu
install hnuhnun mai tur a ni. Entirnan: Windows XP leh 7/8 a nih chuan
Windows XP chu install hmasak tur a ni. Windows 7 leh 8 a nih chuan
Windows 7 zawk kha install hmasak tur a ni. Mahse, a thenah chuan Boot
Manager hi a inman fuh lo thin a; chutiang a nih chuan Paragon Hard Disk
Manager hmang khian Bppt Manager chu siam mai tur a ni (A siam dan chu a
hnuai lamah sawi a ni).
Multi Boot Windows:
Multi boot (OS
pahnih aia tam) chinah chuan OS hlu zawk install hmasak a, a thar ber
install hnuhnun ber pawhin boot manager a dik tawh lo thin a, chuvangin Paragon Hard Disk Manager hi hman a ngaih chang a awm thin a ni.
Boot Manager Install Dan:
Windows i load zawh vek hnu chuan, Paragon Hard Disk Manager aṭangin
Boot Management► Boot Manager► Next► Configure► Next► Boot Menu Option a
lo lang ang a, Normal Mode emaw, a hnuai zawk pawh i duhdan a zirin i
thlang ang. Normal Mode-ah chuan 15sec emaw i set ang a, Next► Finish i
click ang. A hnuai zawk i thlan chuan OS selection rawn lanna turin F1
aṭangin F12 thleng a set theih a, mahni hman duh ber thlan a, Next►
Finish.
Windows i
restart chiah khan a chunga Configure i set dan angin a rawn kal ang.
Windows duhthlan theihin a lo lang ang a, i thlan apiang kha C: drive a
lo ni nghal zel ang. Tin, OS pahnih aia tam install chinah chuan windows
7 leh windows 8 eng emaw zawk zawk kha select theih lohin a awm mai
thei. Chutianga a awm chuan a theih zawk zawkah lut phawt la, chumi
chhungah chuanwindows 7 leh 8 thlan theihin a lo awm ang. Chuta ṭang
chuan windows 8 emaw i select ang a, a in-restart leh ang. Chuan windows
7 vek kha i thlang leh ang a, windows 8-ah thei chiah ang.
Note: Dual
boot emaw, OS pahnih aia tam emaw pawh computer pakhatah a install kawp
theih tih chu kan hre tawh a; hei bakah Windows, Linux OS leh Mac OS
pawh PC pakhatah a hman kawp theih tho a ni. Windows leh OS dang (Linux,
Mac OS) i hman kawp dawn chuan Windows kha i install hmasa thung dawn
nia. Mac OS hman tel dawn chuan OS dang zawng kha install phawt a, Mac
OS chu a hnuhnung bera install tur a ni.
Hriat thiam loh emaw, harsatna emaw a awm chuan comment lamah emaw COMPUTER (I.T.) HELPLINE lamah emaw zawh ni mai se..!
0 comments:
Post a Comment