Windows Device Driver Search Dan

Written by, John Zonunmawia Vankal

I Motherboard emaw, hardware dang hrim hrim pawh a driver i neih tawh loh emaw, a hardware hming / company / model i hriat tawh loh chuan hetiang hian i search dawn ania.

(Windows 7-a tihdan bik step-by-step ka sawi dawn a, XP ah pawh a danglam em em hran lo, Device manager i hawn thiam chuan a tawk mai.)

Steps:

1. Desktop-a Computer kha right-click la, Properties> Device Manager emaw, Computer Right-click> Manage> Device Manager (Device Manager a lo inhawng ang).

2. I device / hardware a driver i neih loh (install loh) zawnah khan question mark eng (yellow) a lo awm ang. (A in expand sa loh chuan vawi khat click a ngai mai thei).

3. Question mark awmnaah khan right click la, properties-ah kal rawh. A dik chuan tab hran hran General, Details, Resource tih vel a lo lang ang. Tah khan Details tih tab kha i click dawn nia. (Right-click> Properties> Details)

4. Details tih tab i click chuan a hnuaiah khan Property tih leh Value tih inziak i hmu ang a, Properties tih hnuaiah khan select theihin Device description tih a awm ang. Kha kha click la, Hardware Ids tih i select dawn nia.

5. Hardware Ids tih i select khan Value tih hnuaiah thil a rawn inziak ang. (E.g: PCI\VEN_8086&DEV_100F&SUBSYS_075015AD&REV-01 tih ang hi) PCI device a nih chuan PCI\ tiin a inṭan ang a, USB device a nih chuan USB\ , khatiang zel khan HID\ MONITOR\ te pawh a device a zir in a awm ang.

6. A pawimawh ber i chhinchhiah tur chu (a chunga example PCI\VEN_8086&DEV_100F&SUBSYS_075015AD&REV-01 khi hmang ta ila) PCI\ tih leh &SUBSYS tih inkar a inziak khi a ni a, a chung example-ah khi chuan VEN_8086&DEV_100F tih khi a ni ta a, ziak chhuakin chhinchhiah ang che. (USB device a nih chuan USB\ tih dawt chiah ami kha a ni leh mai.)

7. I browser hawng la, http://devid.drp.su/?l=en site-ah hian kal la, a Hardware Ids i chhinchhiah (e.g: VEN_8086&DEV_100F) kha a search box ah i paste ang a, search driver tih kha i click dawn nia. (A hnuaia radio button ah khan DevID tih a in select loh chuan search hmain i select phawt dawn nia.)

8. Search Driver tih i click zawhah khan a hnuaiah a driver chu a lo lang tawh ang a, i windows hman a zirin a OS kha i select ang. A driver i duh duh (a thar thar) kha i download tawh mai dawn nia. (A piaha Floppy Disc lem kha download-na)

P.S.: http://devid.drp.su/?l=en ah hian a lem nen a tihdan chu a awm a, mahse a lemah hian ṭawng dang (Russia??) an hmang a, chuvang in mizo ṭawng in ka lo let a ni e.

---